гульнёвая праграма
З мэтай стварэння ўмоў дзеля падтрымкі, аховы і зберажэння самабытнай культуры Нясвіжчыны, папулярызацыі яе сярод дзяцей і моладзі, у Карцэвіцкім СДК была падрыхтавана гульнёвая праграма "Вербная нядзеля".
З вялікім задавальненнем і цікавасцю ўдзельнікі спявалі абрадавыя песні, гулялі ў народныя гульні, упрыгожвалі галінкі вярбы і з асаблівым пачуццём кожны вельмі жадаў забраць дамоў вярбу-абярэг,каб “адхадзіць” ёю сваіх родных і пажадаць моцнага здароўя на ўвесь год.
“Не я б’ю, вярба б’е
За тыдзень – Вялікдзень.
Будзьце здаровы, як тая вярба,
Будзьце вяселы, як тая вясна.
Слухаце бацькі, слухайце маці.
Не забывайце ўсім памагаці:
Стаэнькім, маленькім, ці хворым можа,
А вам усім хай Бог дапаможа!”
